Son guía certificada polo Forest Therapy Hub, institución pioneira na formación de facilitadores destas prácticas de baños de bosque e conexión coa natureza. Deseño as experiencias tomando os modelos do FTHub como base, e adaptándoos a cada grupo, a cada sesión.

Como facilitadora desta práctica, propoñereivos invitacións para experimentar esa conexión coa natureza e vós mesmos, e dareivos espazo para realizalas.

Nunha sesión de Shinrin Yoku ou Baño de Bosque, facilitamos que os participantes conecten cos seus sentidos e que se centren no momento presente. Guiareivos suxerindo actividades de conexión, de relaxación, de contemplación, de consciencia da nosa presenza e dos elementos da natureza que nos acompañan.

A sesión segue unha secuencia pensada para ir baixando o ritmo gradualmente e ir perdendo o sentido do tempo inmersos na experiencia. Iniciaremos a práctica cunha meditación para conectarnos e anclarnos.

Aínda que a sesión sexa en grupo, esta práctica é máis ben introspectiva, con máis silencios que palabras. A algunhas das invitacións seguiralles un momento para verbalizar as nosas impresións, sen xulgar, sen réplica, só compartir pinceladas do que estamos experimentando. O silencio como resposta tamén é benvido, se preferimos non decir nada.